woh kaisa samaa hoga woh kaisi ghari hogi
jab pehli nazar un ke rozay pay pari hogi
yeh koocha jana hai aahista qadam rakhna
har ja pay Malaik ki baarat khari hogi
kya samnay ja ke hum haal un ko sunaein ge
sarkar ka dar hoga ashkon ki ladi hogi
woh sheesha dil gham se mila nah kabhi hoga
tasweer madeeney ke jis dil mein jari hogi
wabasta jo ho jaye sarkar ke qadmon se
har cheez zamane ki qadmon mein pari hogi
kuch haath nah aaye ga aaqa se judda reh kar
sarkar ki nisbat se touqeer barri hogi
charah nah koi karna ik nah to suna dena
nah cheez zaroori ki jab saans udi hogi