bhar do jholi meri ya Muhammad lout kar mein nah jaoon ga khaali
kuch nwason ka sadqa ataa ho dar pay aaya hon ban kar sawali

haq se payi woh shan-e kareemi marhaba dono aalam ke wali
is ki qismat ka chamka sitara jis pay nazar karam tum ne daali

zindagi bakhash di bandagi ko aabaroo deen haq ki bacha li
woh Muhammad ka pyara nawasa jis ne sjday mein gardan kata li

hashar mein un ko dekhen ge jis dam ummati yeh kahin ge khushi se
arhay hain woh dekho Muhammad jin ke kandhe pay kamli hai kaali

aashiq mustafa ki azan mein Allah Allah kitna assar tha
arsh walay bhi suntay thay jis ko kya azan thi Azaan blali